Фотафакт. Пад вёскай Касцюшкава знікла шыльда на памятным камені Тадэвушу Касцюшку
Памятны камень Тадэвушу Касцюшку ля вёскі Касцюшкава ў Горацкім раёне Магілёўскай вобласці застаўся без інфармацыйнай шыльды.
Яе адсутнасць заўважылі чытачы Reform.news.
Памятны камень кіраўніку паўстання 1794 года Тадэвушу Касцюшку паўстаў перад наведвальнікамі мясцінаў без шыльды. «Ці прыбралі, ці не ўзнавілі, хаця бачна, што помнікі побач прыводзілі ў парадак», — канстатавалі чытачы.
Да другой паловы ХХ стагоддзя вёска Касцюшкава называлася Трыгубава. У XVII стагоддзі ўваходзіла ў склад маёнтка Раманава Аршанскага павета Віцебскага ваяводства ВКЛ.
У 1943 годзе была спалена фашыстамі, пасля вайны адбудавана. У 1969 годзе Трыгубава была перайменавана ў гонар слыннага нацыянальнага героя Беларусі, Польшчы і ЗША, генералісімуса арміі Рэчы Паспалітай Тадэвуша Касцюшкі.
Читайте еще
Избранное